اعلان اسفل القائمة العلوية

كبسه زي بتاعه برا🤔واحلى كمان

كبسه زي بتاعه برا🤔
المقادير :
اوراك او فرخه كامله متقطعه على ٤ او دبابيس
3 معالق كبار زيت
مكعب زبده او معلقه كبيره زبده
بصله متوسطه مبشوره ناعم
ورق لورا
٣ فصوص حبهان
٤ حبه قرنفل
عود قرفه
لومي او ليمون مجفف
التوابل :
معلقه صغيره بهارات كبسه
2 معلقه صغيره ملح
معلقه صغيره بابريكا
ربع معلقه صغيره كركم
نص معلقه صغيره جنزبيل
نص معلقه صغيره فلفل اسود
٢ حبه طماطم متقطعه مكعبات متوسطه
معلقه كبيره صلصه او معجون طماطم
معلقه كبيره توم مفروم ناعم
الطريقه :



في حله هننزل بالزيت و الزبده و بعدين انزل بالبصل ياخد لون هنزل بالبهارات و ورق اللورا و القرفه و كل الحاجات دي نشوحهم ثواني مجرد ما نشم ريحتهم هننزل بالفراخ اول لما تاخد لون هننزل بمعلقه كبيره صلصه و بعدين هنزل بالطماطم و التوم و نقلب كل ده سوا وبعدين انزل بميه سخنه لحد لما يبان حاجه بسيطه من الفراخ و نسبها لحد لما تستوي و لما تستوي هتطلعها و تاخد الشوربه نصفيها و نسيب الشوربه على جمب
مقادير الأرز البسمتي :
2 كوب رز بسمتي مغسول
معلقه صغيره بهارات كبسه
نص معلقه صغيره كمون
لومي و عود قرفه
الطريقه :
هننزل ب ٣ كوبايات ونص من الشوربه و بعدين
القرفه و اللومي و البهارات و بعدين الرز اول لما يبدأ يغلي نسيبو على نار هاديه لحد لما يتسوي😋
لدهن الدجاج :
معلقه كبيره صلصه او معجون طماطم
4 معالق كبار زيت
ربع معلقه صغيره كركم
نص معلقه صغيره ملح
نص معلقه صغيره فلفل اسود
الطريقه :
هنحط كل المكونات دي على بعض و نجيب الفراخ ندهنها بالخليط ده و ندخلها فرن سخن على ٢٠٠ تاخد لون و بس كده

لصلصه الدقوس :
2 حبه طماطم
2 حبه فلفل أخضر رومي او حار
5 فصوص توم
معلقه كبيره صلصه او معجون طماطم
نص كوب كزبره
4 معالق كبار زيت
نص كوب ماء
2 معلقه كبيره خل
نص معلقه صغيره من : ملح. بهارات كبسه. بابريكا
الطريقه :
هننزل بكل المكونات معادا الخل و نضربهم في الخلاط او الكبه و بعدين آخر حاجه الخل و بالف هنا ♥️